സുരക്ഷാകാര്യ മന്ത്രിസഭാ സമിതി യോഗം പശ്ചിമേഷ്യയിലെ സ്ഥിതിഗതികൾ അവലോകനം ചെയ്തു

ഡൽഹി, 2026 മാർച്ച് 1 രാത്രി 11:30 (പിഐബി): പശ്ചിമേഷ്യയിലെ പരിണമിച്ചുകൊണ്ടിരിക്കുന്ന സ്ഥിതിഗതികൾ അവലോകനം ചെയ്യുന്നതിനായി പ്രധാനമന്ത്രിയുടെ അധ്യക്ഷതയിൽ സുരക്ഷാകാര്യ മന്ത്രിസഭാ സമിതി (Cabinet Committee on Security / സിസിഎസ്) ഇന്ന് വൈകുന്നേരം യോഗം ചേർന്നു.

2026 ഫെബ്രുവരി 28-ന് ഇറാനിലുണ്ടായ വ്യോമാക്രമണങ്ങളെക്കുറിച്ചും അതിനെത്തുടർന്ന് വിവിധ ഗൾഫ് രാജ്യങ്ങളിലുണ്ടായ ആക്രമണങ്ങൾ ഉൾപ്പെടെയുള്ള സംഘർഷാവസ്ഥയെക്കുറിച്ചും സമിതി വിശദീകരിച്ചു. ഈ മേഖലയിലുള്ള വലിയൊരു വിഭാഗം വരുന്ന പ്രവാസി ഇന്ത്യക്കാരുടെ സുരക്ഷയെയും ഭദ്രതയെയും കുറിച്ച് സമിതി കടുത്ത ആശങ്ക രേഖപ്പെടുത്തി.
ഈ മേഖലയിലൂടെ യാത്ര ചെയ്യുന്ന ഇന്ത്യൻ യാത്രക്കാരും നിശ്ചയിച്ചിട്ടുള്ള പരീക്ഷകളിൽ പങ്കെടുക്കുന്ന വിദ്യാർത്ഥികളും നേരിടുന്ന ബുദ്ധിമുട്ടുകളും കൂടാതെ പ്രാദേശിക സുരക്ഷയിലും സാമ്പത്തിക-വാണിജ്യ പ്രവർത്തനങ്ങളിലും ഉണ്ടാകാവുന്ന വലിയ പ്രത്യാഘാതങ്ങളും സമിതി അവലോകനം ചെയ്തു.
നിലവിലെ സംഭവവികാസങ്ങൾ ബാധിച്ച ഇന്ത്യൻ പൗരന്മാരെ സഹായിക്കുന്നതിന് ആവശ്യമായ പ്രായോഗിക നടപടികൾ സ്വീകരിക്കാൻ ബന്ധപ്പെട്ട എല്ലാ വകുപ്പുകൾക്കും സമിതി നിർദ്ദേശം നൽകി. ഏറ്റുമുട്ടൽ എത്രയും വേഗം അവസാനിപ്പിക്കേണ്ടതിന്റെയും ചർച്ചകളിലേക്കും നയതന്ത്രത്തിലേക്കും തിരിച്ചുപോകേണ്ടതിന്റെയും പ്രാധാന്യം സമിതി ഊന്നിപ്പറഞ്ഞു.